Zonbi

Moun yo fè leve vivan apre yo te fin touye li nan mistik

Zonbi ka gen divès sans an kreyòl ayisyen, sitou nan Lwès. Gen etimoloji l ki plante nan lang kreyòl e li gen plizyè konotasyon apre sans denote li ki se: moun yo fè leve vivan apre yo te fin touye li nan mistik. Karakteristik zonbi a se pale nan nen ak mache tèt bese. Pliske nan kilti nou yo di zonbi a pa manje sèl e li pa gen nanm, nou al bout sou sans: moun ki pa djanm, ki mòlòlò e ki pa aktif. Nou jwenn tou li gen sans: moun ki toujou ap obeyi e egzekite tout sa yo mande l fè san li pa ni replike, ni renonse menm si sa l ap egzekite a pa ta ale nan sans lojik. Yo konn di moun sa yo san karaktè, elatriye.

Apre sa nou te rive sou sans: moun ki kenbe plas nan machin trafik, sitou nan estasyon, pou fè kwè machin nan prèske fin chaje e pa lwen deplase. Elas! Se apre ou fin monte yon kamyonèt ki prèske fin chaje e ki pa lontan deplase paske w prese, ou wè 2, 3, e menm 4 moun desann. Gen de fwa menm chofè machin nan konn pami zonbi sa yo. Yo rele yo "mò" tou. Finalman nou t al bout sou sans: pwodui chimik gason itilize pou ba li plis andirans lè li ap fè bagay. Konsa mesye yo dire plis e medam yo kontan anpil tou paske yo rive jwenn bon jan plezi. Daprè sa kèk reyaksyon fè kwè.

Li atik sa a ou tou:  Èske vajen yon fanm elastik vre ?

Ki lòt non yo bay pwodui chimik sila a yo nan zòn ou ye a ?